විටමින් A ඌණතාවය ගැන දැනගනිමු

විටමින් ඌණතාවයේදී එම විටමිනය අපගේ රුධිරයේ මෙන්ම අපගේ පටක වලද අවශ්‍ය ප්‍රමාණයන්ගෙන් නොපැවතීම හේතුවෙන් විවිධාකාරයේ ආබාධ ත්වයන් ඇති වනවා.

විටමින් බොහෝ ප්‍රමාණයක් අපගේ ශරීරයේ දැකගන්නට පුළුවන්.ඒ නිසාම අපි පියවරෙන් පියවර ඒ විටමින සම්බන්දයෙන් කථාකරමු. අද අපි අපගේ අවදානය යොමු කරන්නේ විටමින් A හා විටමින් A ඌණ වූ විට ඇතිවන තත්වයන් පිළිබදවයි.

මූලිකව විටමින් A වර්ග කිහිපයක් අප ශරීරයේ අපට හමුවනවා. රෙටිනෝල්(retinols) ,බීටා කැරොටින් (beta-carotenes)හා කැරොටිනොයිඩ්(carotenoids) කියන මේ නම් වලින් හදුන්වන්නේ විටමින් A හි සංඝටකයි.

විශේෂයෙන් අප පාසල් අවදියේදී ඉගෙන ගෙන ඇති ආකාරයට විටමින් A ඌණවීමත් සමග අපට රාත්‍රී අන්ධතාවය ඇතිවනවා. ඊට අමතරව Xerophthalmia(ඇස් වල කදුළු නිපදවීමේ හැකියාව අහිමිවීම) හා keratomalacia වැනි අක්ෂි රෝගී තත්වයන් ඇති වනන්ට පුළුවන්.

එක්සත් ජාතීන්ගේ දත්ත වලට අනුව සෑම වසරකම මන්දපෝෂණයෙන් පෙලෙන දරුවන් 250,000 – 500,000 ප්‍රමාණයක් විටමින් A ඌණතාවය හේතුවෙන් අන්ධභාවයට පත්වනවා. එලෙසම සංවර්ධිත රටවල් වල වූවත් ගර්භනී කාන්තාවන් අතර විටමින් A ඌණතාවය පවතින අතර ඒ හේතුවෙන් ගර්භණී මව්වරුන්ගේ මරණ සංඛ්‍යාව ඉහල යාම මෙන්ම ගර්භණී සමයේ හා මව්කිරි දෙන ඇති වන සෞඛ්‍ය ගැටළු මතුවීමත් සිදුවනවා.

ඉහත කී කරුණු වලට අමතරව විටමින් A ඌණවීමනේ විවිධ ආසාදනයන්ට එරෙහිව ක්‍රියාකිරීමේ සිරුර සතු හැකියාව අඩුවී යන අතරම ඒ හේතුවෙන් එන්නත් කරන වැඩපිළිවෙලක් නොමැති රටවල් වල සරම්ප වැනි ආසාදන හේතුවෙන් මරණ සිදුවීමේ අවස්ථාවන්ද ඉහල යනවා.

සෑම අවුරුදු 5ට වඩා අඩු දරුවන් දෙනෙකුගෙන් එක්කෙනෙකුම විටමින් A ඌණතාවයෙන් පෙලෙන බවත්, දියුණු වෙමින් පවතින රටවල දරුවන් 250,000 – 500,000 ප්‍රමාණයක් වසරක් තුල අන්ධභාවයට ලක්වන බවත්, ඒ අතරින් වැඩිම සිදුවීම ප්‍රමාණයක් වාර්තා වන්නේ ගිණිකොනදිග ආසියාවෙන් හා අප්‍රිකානු ප්‍රදේශවලින් බවත් ලොවපුරා සිදුකල සමීක්ෂනයකට අනුව හෙලි වී තිබෙනවා.

මෙවැනි තත්වයන් සදහා ප්‍රතිකාර වශයෙන් විටමින් A නික්ෂේපන ලබදීම හෝ මුඛ මාර්ගයෙන් ලබාගන්නා ඖෂධ ලබාදීම සිදුකල හැකි අතර ඒවා වෛද්‍ය උපදෙස් අනුව සිදුවිය යුතුයි.එසේ ප්‍රතිකාර ආරම්භ කිරීමට පෙර ඔබගේ ආහාර රටාව වෙනස් කිරීමෙන් හා විටමින් බහුල ආහාර ගැනීමට උපදෙස් දීම මගින් මෙම තත්වය නිවැරදි කිරීමටද උත්සහ කිරීම සිදුකරනවා.

විටමින් A වැඩිවූ විට ඇති විය හැකි අතුරු ආබාධ

ඔබගේ ශරීරයේ විටමින් A ඌණතාවයක් පැවතීමෙන් පසු ඔබට ඒ සදහා විටමින් අතිරේක ලබාදී ඒවා අවශ්‍ය ප්‍රමාණයට වඩා ලබා ගතහොත් විටමින් A සිරුරේ අධික වීම හේතුවෙන් වෙනත් විවිධ ආබාධ ඇති විය හැකියි.